Muntikan nang makapasok sa Top 30 TV Programs ang FPJ’s Ang Probinsyano ng Kapamilya Channel kahit na kakaunti lamang ang handang magpakabit ng cable at magbayad ng monthly subscriptions.
Halos ka-tie ng Frontline Pilipinas ng TV5 ang Kapamilya action drama series na nakapagtala ng 1.8% kapag ni-round off.
Sa Top 31 Programs (Through Single Channels) ayon sa NUTAM People Ratings ng Nielsen Philippines, 15 programs ang mula sa GMA-7, 9 sa TV5, 4 sa GTV, 2 sa A2Z, at 1 sa Kapamilya Channel.
Noong nakaraang Biyernes, September 17, nangunguna pa rin sa pinakapinapanood na programa ang flagship news program ng GMA-7 na 24 Oras. Nakapagtala ito ng 14.6%.
Sinundan ito ng Legal Wives na naka-13.1%, ang rerun ng Endless Love na naka-10.3%, at ang rerun ng The Good Daughter na naka-6.8%.
Nasa ika-limang puwesto naman ang K-Drama na The Penthouse Season 2 na naka-6.5%.
Sinundan naman ito ng Kapuso afternoon series na Stories from the Heart: Loving Miss Bridgette na naka-6.4%.
Top 7 naman ang pre-primetime Kapuso variety show na Wowowin na naka-5.7% na sinundan ng Nagbabagang Luha na naka-5.6%.
Ang programa naman ng GTV na G! Flicks ay nakapasok rin sa Top 10. Naka-5.5% ang pelikulang Aquaman na ipinalabas sa movie block ng GTV.
Hindi naman pahuhuli ang Kapuso noontime show na Eat Bulaga! na nasa ika-10 na puwesto. Nakapagtala ito ng 5.1%, laban sa Lunch Out Loud ng TV5 na naka-2.0%. Wala naman sa Top 30 ang noontime show na It’s Showtime na ipinapalabas sa A2Z Channel 11 at Kapamilya Channel.
Samantala, ang FPJ’s Ang Probinsyano naman ay nasa ika-11 (TV5), ika-12 (A2Z), at ika-31 (Kapamilya Channel) na puwesto.
Ang Huwag Kang Mangamba naman ay nasa ika-18 (TV5) at ika-22 (A2) na puwesto.
Ang bagong Kapamilya primetime series naman na Marry Me, Marry You ay nasa ika-27 na puwesto.
Wala rin sa Top 30 ang La Vida Lena na ipinapalabas sa A2Z, TV5, Kapamilya Channel, at Jeepney TV.
TOP PROGRAMS THROUGH SINGLE CHANNELS
| Program Name | Channel | Rating (%) | |
| 1 | 24 Oras | GMA | 14.6 |
| 2 | Legal Wives | GMA | 13.1 |
| 3 | Endless Love | GMA | 10.3 |
| 4 | The Good Daughter | GMA | 6.8 |
| 5 | The Penthouse Season 2 | GMA | 6.5 |
| 6 | Loving Miss Bridgette | GMA | 6.4 |
| 7 | Wowowin | GMA | 5.7 |
| 8 | Nagbabagang Luha | GMA | 5.6 |
| 9 | G! Flicks: “Aquaman” | GTV | 5.5 |
| 10 | Eat Bulaga! | GMA | 5.1 |
| 11 | FPJ’s Ang Probinsyano | TV5 | 4.7 |
| 12 | FPJ’s Ang Probinsyano | A2Z | 3.8 |
| 13 | Oh My Baby | GMA | 3.5 |
| 14 | Bubble Gang | GMA | 3.4 |
| 15 | Eat Well. Live Well. Stay Well. | GMA | 3.2 |
| 16 – 18 | Kapuso Movie Festival: “Mulan” | GMA | 3.1 |
| 24 Oras | GTV | 3.1 | |
| Huwag Kang Mangamba | TV5 | 3.1 | |
| 19 | Biyahe ni Drew | GTV | 2.6 |
| 20 | 2021 PBA Philippine Cup: “Barangay Ginebra San Miguel Vs. Alaska Aces” | TV5 | 2.5 |
| 21 | 44 Cats | TV5 | 2.4 |
| 22 | Huwag Kang Mangamba | A2Z | 2.3 |
| 23 – 24 | Winx Club | TV5 | 2.2 |
| Siesta Fiesta Movies: “Joe’s Apartment” | GTV | 2.2 | |
| 25 | God of Lost Fantasy | GMA | 2.1 |
| 26 – 28 | Mars Pa More | GMA | 2.0 |
| Marry Me, Marry You | TV5 | 2.0 | |
| Lunch Out Loud | TV5 | 2.0 | |
| 29 | The Marvelous Misadventures of Flapjack | TV5 | 1.9 |
| 30 – 31 | Frontline Pilipinas | TV5 | 1.8 |
| FPJ’s Ang Probinsyano | Kapamilya Channel | 1.8 |